ဓာတ်ကြီးလေးပါးယတြာချေနည်း အပြည့်အစုံ
--------------------------------------------------
လူသားတိုင်း လူသားတိုင်း၏ ကိုယ်ခန္ဓာတွင် ပထဝီ အာပေါ တေဇော ဝါယောဟု ဆိုအပ်သော ဓာတ်ကြီးလေးပါး ဖြင့် ဓာတ်ကြီးလေးပါးဖြင့် ဖွဲ့စည်း တည်ဆောက်ထားခြင်းဖြစ်၏။ မိမိ၏ ခန္ဓာကိုယ် တစ်ခုလုံးကို ခွဲခြမ်း စိတ်ဖြာ၍ ကြည့်မည်ဆိုပါက မည်မျှပင် အခေါ်အဝေါ် များပြားစွာ ရှိနေပါစေ။ နောက်ဆုံးတွင် ဓာတ်ကြီးလေးပါးပင် ဖြစ်လေ၏။ ဒာတ်ကြီးလေးပါးကိုတော့ လူတိုင်းလဲ သိပြီးသားပင် ဖြစ်၏။ လူတိုင်းလည်း ကြားဖူးကြတာ များ၏။ ထိုဓာတ်ကြီး လေး ပါးကို အသေးစိပ် ပြောပြရမည်ဆိုလျှင် ဓာတ်ကြီးလေးပါးကို အောက်ပါအတိုင်း ခွဲခြမ်းစိတ်ဖြာ လိုက်၏။
ပထဝီဓာတ်-(၂၀) ရှိတယ်။
အာပေါဓာတ်က-(၁၂)ပါးရှိတယ်။
တေဇောဓာတ်က အပါး(၄)ပါးရှိတယ်။
ဝါယောဓာတ်က အပါး (၆)ပါး ရှိတယ်။
ပထဝီ(မြေဓာတ်) ၂၀ဆိုတာက ဘာတွေလည်းဆိုတော့......
(၁) ဆံပင်။ (၂) အမွှေး။ (၃) ခြေသည်း၊လက်သည်း။ (၄) သွား။ (၅) အရေ။ (၆) အသား။ (၇) အကြော။ (၈) အရိုး။(၉) ချဥင်္ဆီ။ (၁၀) နှလုံး။(၁၂) အသည်း။ (၁၃) အမြှေး။ (၁၄) အဖျဉ်း။ (၁၅) အဆုတ်။ (၁၆) အူမ။ (၁၇) အူသိမ်။ (၁၈) အစာသစ်။ (၁၉) အစာဟောင်း။ (၂၀) ဦးနှောက် အားလုံးပေါင်း ပထဝီဓာတ်(၂၀)ရှီတယ်။
အာပေါဓာတ် (ရေ) ၁၂ဆိုတာက ဘာတွေလည်းဆိုတော့......
(၁) သည်းခြေ။ (၂) သလိပ်။ (၃) ပြည်။ (၄) သွေး။ (၅) ချွေး။ (၆) အဆီ။ (၇) မျက်ရည်။ (၈) ဆီကြည်။ (၉) တံတွေး။ (၁၀) နှပ်။ (၁၁) အစေး။ (၁၂) ကျင်ငယ်ဆိုပြီး အာပေါဓာတ်(၁၂)ပါး ရှိတယ်။
တေဇောဓာတ်(မီးဓာတ်) ၄-ပါးဆိုတာက ဘာတွေလည်းဆိုတော့......
(၁) သန္တပ္ပနတေဇော၊ ပူသလိုလို အေးသလိုလိုဖြစ်တာ။ (၂) ဒဟတေဇော ၊ အလွန်ပူတာ။ (၃) ဇိရဏတေဇော ၊ အိုမင်းရင့်ရော်စေတာ။ (၄) ပါစကတေဇော၊ ကျက်သွားစေတာ ဆိုပြီး တေဇောဓာတ်( ၄)ပါးရှိတယ်။
ဝါယောဓာတ်(လေ) ၆ပါး ဆိုတာက ဘာတွေလည်းဆိုတော့......
(၁) ထွက်သက်လေ။ (၂) ၀ငျသကျလေ။ (၃) အထက်ကိုဆန်တဲ့လေ။ (၄) အောက်ကိုစုန်တဲ့လေ။ (၅) တစ်ကိုလုံး ကိန်းတဲ့လေ။ (၆ )အူအတွင်းမှာ တည်တဲ့လေ ဆိုပြီး ဝါယောဓာတ်က (၆)ပါးရှိတယ်။
အဲဒီတော့ လူတစ်ယောက်မှာ ဓာတ်ကြီးလေးပါးနဲ့ ဖွဲ့စည်းထားတာ ဆိုတော့ အဲဒီဓာတ်လေးပါးထဲက တစ်ပါးပါး ဖောက်ပြန်ပြောင်းလဲ သွားမယ်ဆိုရင် အဲဒီလူဟာလဲ ဓာတ်ပျက်သွားပြီး သူနဲ့ ပါတ်သက်တာတွေ အကုန်လုံး ကပြောင်းကပြန် ဖြစ်ကုန်ရော။ ပြောရင် ဟာမိုနီ ပျက်သွားတာပေါ့။ တစ်ခုထဲ အဆင်မပြေ ဖြစ်သွားတာ မဟုတ်ဘူးနော်။ အကုန်လုံး အဆင်မပြေတွေ ဖြစ်ကုန်တာ။ ကျန်းမာရေး လူမှု့ရေး စီးပွားရေး အိမ်ထောင်ရေး အကုန်လုံး ကမောက်ကမတွေ ဖြစ်ကုန်တာ။
ကျန်းမာရေးတွေ ညံ့လာတယ်။ ရောဂါတွေ တစ်ခုပြီးတစ်ခု ၀ငျလာတယျ။ စိတ်ဓာတ်တွေ ကျလာတယ်။ အလိုလိုနေရင်း မပျော်မရွှင် ဖြစ်လာတယ်။ လောကကြီးကို မကျေမနပ် ဖြစ်လာတယ်။ နောက်တခုပြီး တစ်ခု အဆင်မပြေဖြစ်လာတာပေါ့။ အိမ်ထောင်ရေးတွေ အဆင်မပြေဖြစ်လာမယ်။ ပေါင်းသင်းဆက်ဆံရေးတွေ အဆင်မပြေ ဖြစ်လာမယ်။ စီးပွားရေးတွေလဲ အဆင်မပြေ ဖြစ်လာပါတယ်။
အဲဒီလို ညံ့လာရင် အကောင်းဆုံးကတော့ ဓာတ်ကြီးလေးပါးယတြာ ချေတာ အကောင်းဆုံးပါပဲ။ ဓာတ်ကြီးလေးပါး ယတြာက လူတွေရဲ့ ခန္ဓာကိုယ်ထဲမှာရှိတဲ့ ဓာတ်သဘာဝတွေကို မျှတကောင်းမွန်စေပြီး အရာရာကို အဆင်ပြေ ချောမွေ့စေပါတယ်။ နောက်ပြီး လူသားတွေရဲ့ ဘဝနေထိုင်မှု့ မနက်ဖြန်တိုင်းကိုလည်း ပျှော်ရွှင်ချမ်းမြေ့စေတယ်။
နောက်ပြီး အကျိုးဖြစ်ထွန်းစေတာကတော့ ကျွန်တော်တို့ရဲ့ နေ့စဉ် လုပ်ဆောင်နေတဲ့ စီးပွားရေး လုပ်ငန်းဆောင်တာတွေကို တိုးတက်အောင်မြင်စေပါတယ်။ စီးပွားရေး လုပ်ငန်းဆောင်တာတွေကို တိုးတက်စေတယ်။ ပြောစကားဆိုစကားကို အောင်မြင်စေတယ်။ စိတ်နှလုံး ချမ်းမြေ့ပျှော်ရွှင်စတေယ်။ ဒါကြောင့် ယတြာချေခြင်းကို ဝါသနာပါ ယုံကြည်ကြသူများအနေနှင့် မိမိတို့ မိသားစု စီးပွားရေး လုပ်ငန်းဆောင်တာများ အောင်မြင်စေရန်အတွက် ဤဓာတ်ကြီးလေးပါး ယတြာကို မကြာခဏ ဆောင်ရွက်ပေး နိုင်ပါကြောင်း စေတနာကောင်းဖြင့် ပြည့်ပြည့်စုံစုံ ဖော်ပြပေးလိုက်ပါတယ်။
ယတြာအမည်
ဓာတ်ကြီးလေးပါးယတြာကြီး။
လုပ်ရမည့်နေ့.
အိမ်ထောင်ဦးစီး၏ မွေးနေ့နံက် (၄း၀၀)
ပြင်ဆင်ပုံ.......
ခုံတစ်လုံးပေါ်မှာ စာပွဲခင်း ဖြူဖြူသန့်သန့် ခင်းရမယ်။ ပြီးတော့ အဲဒီ ခုံပေါ်မှာ အောက်ပါ ပစ္စည်းတွေ ပြင်ဆင်ထားရမယ်။
+ ပထဝီဓာတ်၂၀-အတွက် - နို့ထမင်း ပုဂံ (၂၀)။
+တေဇောဓာတ်လေးပါးအတွက်- ဖယောင်းတိုင် (၄)တိုင်။
+အာပေါဓာတ်ဆယ့်နှစ်ပါးအတွက်- ရေ(၁၂)ခွက်။
+ဝါယောဓာတ်ခြောက်ပါးအတွက်- ယပ် (၆)လက်။
ဆက်ကပ်လှူဒါန်းပုံ.....
ဖယောင်းတိုင် လေးတိုင်ကို ထွန်းပါ။ ပြီးတော့ မြတ်ဘုရားနဲ့ ရဟန္တာ အရှင်သူမြတ်တွေကို ပင့်ဖိတ်လျှောက် ထားပါ။ ပြီးတော့ ဓာတ်ကြီးလေးပါးဆွမ်းကို ရိုသေစွာ ဆက်ကပ်လှူဒါန်းပါ။ နောက် မိမိတို့ မိသားစု ဖြစ်ချင်တာတွေကို ထိုင်ပြီး ကျကျနန ဆုတောင်းပါ။ ဖယောင်းတိုင် မီးညိမ်းရင် စွန့်လို့ရပါပြီ။
စွန့်ရန်........
စွန့်တဲ့အခါမှာတော့ ဒီအတိုင်းစွန့်လို့ မရဘူး။ စာရွက် အဖြူတစ်ရွက်ပေါ်မှာ ကြီးလေးကြီးစမကို ရေးပါ။(ကြီးလေးကြီးစမကို အောက်တွင်ဖော်ပြပေးထားပါတယ်။ ပြီးရင် မိမိ၏ အိမ်ရှေ့ ပြောင်ပြောင်တွင် ကြီးလေးကြီးရေးထားသော စာရွက်ပေါ်တွင် စွန့်ရမည်။ စွန့်သောအခါတွင် ရေ ၁၂-ခွက်ကိုလည်း ဘေးပတ်ပတ်လည်တွင် လောင်းချပြီး စွန့်ရမည်။ ယပ် ၆-ချောင်းကိုလည်း ဘေးတွင် စိုက်ထားရမည်။ ပြီးရင် မီးမှာ ကျက်စားသော သတ္တဝါ၊ လေမှာ ကျက်စားသော သတ္တဝါ၊ မြေမှာကျက်စားသော သတ္တဝါ၊ ရေမှာ ကျက်စားသော သတ္တဝါများ အားလုံး ၀လင် အောင်သုံးဆောင်ပြီး လိုရာအရပ်ကို သွားကြပါ။ကျွန်ုပ်တို့ မိသားစုကိုလည်း စောင့်ရှောက်ကြပါလို့ ရွတ်ဆို၍ စွန့်ရမည်။
မူရင်းရေးသားသူကို Credit ပေး၍ ဂါရဝ ပြုပါတယ်။
No comments:
Post a Comment