ရွှေရင်ကျော် အဘဆရာကြီးများ၏ သြဝါဒများ

 

အဘရာကြီး ဘိုးတော်အေး ၏သြဝါဒ

မှတ်ကြလေငြား၊ တပည့်သားတို့၊သိမှတ်စရာ၊ ဝေဒနာ အများ၊ကုလာညားက၊ စိတ်နှင့်အမှန်၊ ရုပ်မူပြန်အောင်၊ ခိုင်းစေရမှ၊ ကုကာသ၍၊ စက်သိမ်းစက်ဖြတ်၊ စက်လွတ်စက်နင်း၊စက်ခွဲစက်ခို၊စက်ကပ်စက်ညှပ်၊ ဤရှစ်ရပ်ကို၊ အမှန်သိမှ စေခိုင်းရသည်၊ ခိုင်းသောအခါ ဆရာမှာလည်း၊စိတ်ကိုတင်းပေါက် ၊"ဟဲ့"လို့ငှေါက်က ပေါက်ရောက်အာဏာစက်၊အထက်ဘဝဂ် အောက်အဝီစိ၊အတိပြီး လို့သာ မှတ်ပေတော့.........။

အဘဆရာကြီး ဘိုးတော်ပြူး၏ သြဝါဒ

နောင်ရေးဆိုရာ၊ပျိုကညာဣတ္ထိ၊ကမ္မဇိဒ္ဓိနှင့် စိတ်ရှိဖျားယောင်း၊မောင့်ကို ပေါင်းမည်ဟု၊ဦးခေါင်းကြောသပ် ၊သဘောညှပ်၍၊ပြောလပ်သောအခါ မောင်မပါနှင့်၊ စစလုံးစုံ ဆရာ့ဂုဏ်ကို ၊အဟုန်ကြီးမား ကျေးဇူးများကို ထောက်ထားငဲ့ကွက် မောင်မပျက်နှင့်......။

အဘဆရာကြီး ဘိုးတော်ပွင့် ၏သြဝါဒ

ဗုဒ္ဓဝါဒဖြစ်သည့် သိက္ခာသုံးရပ် အကျင့်မြတ်တည်းဟူသော သီလ သမာဓိ ပညာတရားတို့ကို ကျင့်ကြံကြိုးကုတ်အားထုတ်ကြသဖြင့် ကိလေသာဝဋ် ကမ္မဝဋ် ဝိပါကဝဋ် ဟုဆိုအပ်သော ဝဋ်ဆိုးကြီး သုံးပါးတို့မှ လွတ်မြောက်၍ နိဗ္ဗာန်ရောက်စေနိုင်သည့် ဝိဇ္ဇာမျိုးစေ့၊စရဏမျိုးစေ့တို့ကို စိုက်ပျိုးကြလျှက် သာသနာတော်ကြီး စည်ပင်ပြန့်ပွားစေရန် စာရိတ္တဗလကြီး တည်တံ့လာစေရန် အဓိကရည်ရွယ်ချက် အရင်းတည်ကာ ကမ္ဘာ့ငြိမ်းချမ်းရေး ရှေးရှု၍ ဂိုဏ်းဝင်များကို ကမ္ဘာအနှံ့အပြားတိုးပွားစေရမည်။

ဂိုဏ်းချုပ်ဆရာကြီး ဘိုးတော်ဟန် ၏ သြဝါဒ

ကံ/ဉာဏ်/ဝီရိယ သုံးဌာနနှင့် သီလမြဲစွာ သစ္စာကတိ အမှန်ရှိ၍ တိတိကျကျ စီရင်မှသာ မုချမှန်စွာ ဖြစ်ကုန်ရာ၏။ ။

"ဂိုဏ်းတော် ချုပ် အဖေကြီးဘိုးတော်ဟန် ၏ ဩဝါဒများ "

  👉 တပည့်တို့ ငါတို့ပညာဟာ ဝိဇ္ဇာဖြစ်သော ပညာဖြစ်တယ်👈

  👉လက်လွတ် ပညာဖြစ်တယ် ဆေးဝါးကူစရာမလို👈

  👉 ပညာသင်ယူထားသူ အားလုံးဟာ

အနန္တော အနန္တ ငါးပါးကို မပြစ်မှားရဘူး👈

  👉 ဆရာဆိုတဲ့ အထဲမှာ သင်ဆရာ/မြင်ဆရာ/ကြားဆရာ အားလုံးပါတယ်👈

 👉 အနန္တော အနန္တ ငါးပါးကို ပြစ်မှားမိသူ အားလုံးဟာ ပညာတန်ခိုး လုံး၀ မရှိတော့ဘူး👈

 👉 ငါတို့ ပညာဟာ မြတ်စွာဘုရားရဲ့ အဆို အဆုံးအမ မှာ တည်ရမှာ ဖြစ်တယ်👈

 

 👉 ကိုယ်ကြိုက်နှစ်သက်ရာ သံဃာတော်များရဲ့ ညွှန်ကြားမှု နဲ့အညီ ကမ္မဌာန်း(၄၀)

ထဲက တစ်ပါးပါးကို အားထုတ်ကြရမယ်👈

  👉 ပညာတန်ခိုးရှိဖို့--ပညာမြဲဖို့ လောက်ီရော လောကုတ္တရာ မှာရော အကျိုးရှိဖို့ 

ဒါန-သီလ-ဘာ၀နာ- တရားများကို တက်အားတရွေ့ အားထုတ်ကြရမယ်👈

 👉 ဗုဒ္ဓ ဂိုဏ်း--ဓမ္မဂိုဏ်း--သံဃဂိုဏ်--ရာဇဂိုဏ်း မသင့်စေရ👈

👉 ငါတို့ပညာဟာ ရသေ့ရှစ်သောင်း ဆရာ ကောင်းတို့ထံမှ ဆင်းသက်လာတဲ့ပညာဖြစ်တဲ့အတွက် အခြားသောဆရာများရဲ့ ဂုဏ်သိက္ခာကို လေးစားရမယ် 👈

 👉 တခြားဆရာကုနေတဲ့ ပယောဂကို အဲ့ဒီ ဆရာနဲ့ မပြတ်သေးပဲနဲ့ ကြားဖြတ်ပြီးမကုရဘူး👈

👉 ဂိုဏ်းတော်ကြီး ဆေးကို ကျောကုန်းထက် နိမ့်သော နေရာမှာ မထိုးရဘူး👈

👉 အမျိုးသား ဆရာများရဲ့ ကျောပေါ်ကို အမျိုးသမီး တက်မနင်းစေရဘူး👈

👉 ဘုရားခန်း ကန်တော့ပွဲစင် နေရာက မြင်သာတဲ့နေရာမှာ ဟိရိသြတ္တပတရားနှင့်

မညီိတဲ့ ရုပ်ပုံ ကားချပ်များ မချိပ်ရဘူး👈

👉 အိမ် ကန်တော့ပွဲ ပြင်ထားတဲ့ အခန်းမှာ အမျိုးသမီး မအိပ်စေရဘူး👈

👉 ထမီရင်ရှားဖြင့် အမျိုးသမီးများ ကန်တော့ပွဲစင်ခန်းကို မလာရဘူး👈

👉 စဏ္ဍလ နှင့်  ကုဌနူနာ ဖြစ်နေသူများအား ဂိုဏ်းပညာတက်မပေးရ/ဆေးမထိုးပေးရ👈

မှတ်ချက်။  ။အဘ ဘိုးတော်ဟန် ၏ တပည့်ကြိး ဆရာကြိးဦးခင်မောင်ထွေး စာအုပ်မှ 

ဆရာသူရိန်မင်း ကူးယူရေးသားချက် ဖြစ်သည်။

အဘ ဘိုးတော်ဟန်က အဖေကြီးဦးမြခင် အား မှာကြားခဲ့သော သြဝါဒ စကား🙏🙏🙏

ရွှေရင်ကျော်ကျေးဇူးရှင် အဖေကြီး ဦးမြခင်၏ သြဝါဒ

အဖေကြီး၏ မိန့်ခွန်း အသံဖိုင် များစွာထဲမှ အဓိကကျတဲ့ ဂိုဏ်းချုပ်အကြောင်း၊ဆေးတော်အကြောင်းတွေ၊အဆင့်စမအကြောင်းတွေ၊အချုပ်စမ အကြောင်းတွေ ပါဝင်မိန့်ကြားထားတဲ့ ဗီဒီယိုဖိုင် တစ်ခုကို ဖော်ပြပေးလိုက်ပါတယ်။🙏

🙏ရွှေရင်ကျော် နာယကဆရာကြီး ဦးစံသိန်း ၏သြဝါဒ များ

ရွှေရင်ကျော်ဂိုဏ်းတော်ချုပ် အဘဆရာကြီး ဘိုးတော်ဟန် ၏သားအရင်းဖြစ်ပြီး ဂိုဏ်းတော်ကြီးရဲ့ တာဝန်များကို လက်ဆင့်ကမ်းအမွေခံယူခဲ့သော နာယကဆရာကြီး ဦးစံသိန်း မိန့်ကြားခဲ့သော သြဝါဒများကို ဖော်ပြပေးလိုက်ပါတယ်၊သို့သော်ဤ Youtube video သည် AI နည်းပညာပြုလုပ် ပူဇော်ထားသည့်အတွက် အ,ဂါရဝ ဖြစ်ခဲ့ရင် ခွင့်လွတ်ပါရန် မေတ္တာရပ်ခံအပ်ပါတယ်။

.